Um okkur

Könglar eru nýsköpunar frumkvöðlar og afurð námsins úr Hallormsstaðaskóla. Smáframleiðandi matvæla og einbeitum okkur á drykki úr íslenskum afurðum. Við framleiðum og seljum drykki á völdum stöðum á Austurlandi.

Nafnið Könglar er tiltekið vegna þess að Dagrún fór í bændaskóla á Hvanneyri og var mikið gert grín að því að Fljótsdælingar væru með svo mikinn skóg. Á þeim árum var horft mikið niður til skógræktar, hins vegar vissi Dagrún að þetta væri auðlind og því tók hún þessu viðurnefni sem stolti. Einnig eru könglar fræ sem eru mikilvæg í lífinu og því tilvalið nafn á þetta fyrirtæki.

Dagrún hefur unnið í mörg ár í ferðaþjónustu, matarþjónustu og hefur tilfinningu fyrir góðri matargerð. Hún hefur alltaf haft áhuga á því að nýta betur hráefnin í íslenskri náttúru í matargerð, reynt að nýta jurtir og fleira hinu daglega lífi. Þótt Dagrún sé ekki lærð í matargerð er hún eftirsótt í eldamennsku á stöðum eins og Klausturkaffi, Hengifoss Guesthouse og treyst fyrir ábyrgð sem kokkur með mikinn metnað í matargerð.

Darri er ferðamálafræðingur með BA gráðu í sjálfbærri ferðaþjónustu í dreifbýli frá Háskólanum á Hólum og starfar nú sem verkefnastjóri á menningarsetrinu á Skriðuklaustri.

Bæði hafa þau mikinn áhuga á því að auka við matarmenningu íslands og þetta er eitt af því verkefnum að láta fólk sjá möguleikanna sem er fyrir framan okkur.

Við erum meðlimir í Matarauði Austurlands ásamt því að vera félagar í Samtökum Smáframleiðenda Matvæla og meðlimir í Upphéraðsklasanum.

Verkefnið væri ekki gerlegt nema fyrir þá ótal styrki sem að við höfum fengið, þar á meðal frá Matvælasjóð, Samfélagssjóð Fljótsdalshrepps,  Uppbyggingarsjóð Austurlands og Atvinnumálasjóð kvenna. Ásamt tryggum stuðning úr okkar samfélagi í kringum okkur.