Nípukerlingin

Utan í svokallaðri Norðfjarðarnípu stóð steindrangi mikill ofarlega í fluginu, sem var eitt hæsta flug austanlands. Steindrangi þessi var kallaður Kerling en í þjóðsagnasafni Sigfúsar Sigfússonar segir að dranginn hafi verið tröllkerling sem var á ferð milli Norðfjarðar og Mjóafjarðar, en var of seint á ferð svo hún varð sólina að bráð þarna í nípunni. Sveinn skáld á Kirkjubóli orti kvæði um skessuna, en þar fjallar hann meðal annars um hjúskaparstöðu hennar og telur að hún hafi annað hvort verið ógift eða snemma orðið ekkja og svo hrakið frá sér annan maka. Í þjóðsagnasafni Þorsteins Erlingssonar er sagt því að erfitt hafi verið að komast að steindranganum en eitt sinn hafi þó komið þar maður sem sofnaði við klettinn. Dreymdi hann þá að kerlingin segði honum sögu sína og sinnar fjölskyldu. Nú hefur tímans tönn unnið á dranganum og hann brotnað í hafið.